युनियन लाइफ इन्सुरेन्सले असार २४ गतेदेखि आइपीओ बिक्री खुला गर्ने भएको छ । कम्पनीले ६४ लाख ५० हजार कित्ता सेयर बिक्री गर्ने लागेको हो । यसले प्रतिकित्ता १०० रुपैयाँको दरमा ६४ करोड ५० लाख रुपैयाँ बराबरको आइपीओ जारी गर्न लागेको हो । जसमध्ये ५% (३ लाख २२ हजार ५ सय कित्ता) कर्मचारी र ५% (३ लाख २२ हजार ५ सय कित्ता) म्युचुअल फन्डको लागि छुट्याइएको छ ।बाँकी ५८ लाख ५ हजार कित्ताको लागि सर्वसाधारणले आवेदन दिन सक्नेछन् । आइपीओमा न्यूनतम १० कित्तादेखि अधिकतम ३२ हजार २५० कित्ताको लागि आवेदन दिन सकिनेछ । यस आइपीओमा असार २८ गतेसम्म आवेदन दिन सकिन्छ । उक्त समयमा आइपीओ बिक्री नभएमा साउन ७ गतेसम्म आवेदन दिन कम्पनीले जनाएको छ ।सी–आस्वाको माध्यमबाट आवेदन दिन सकिन्छ । यो आइपीओमा प्रभु क्यापिटल बिक्री प्रबन्धक रहेको छ । यस आइपीओलाई इक्रा नेपालले आइआर बीबीबी रेटिङ दिएको छ । यसले कम्पनीको वित्तीय दायित्व बहन गर्ने क्षमतामा मध्यम जोखिम रहेको भन्ने जनाउँछ ।
Please Click Here to Check the Full Details of IPO
إرسال تعليق